За нас

Крин Производство ДОО е компанија основана во 1994 година. Во текот на повеќе децениското постоење, прерасна во една од водечките компании за експлоатација, преработка и трговија на природен камен во регионот. Нашиот рудник за бел мермер се наоѓа во прилепскиот регион, познат во светот по резервите на уникатен бел мермер и на пазарот се продава под називот Бјанко Нераклеа (Bianco Heraclea).

Крин Производство ДОО преку широкот спектар на опрема со најсовремена технологија поседува целосно затворен високо-софистициран процес на преработка за природен камен, од фаза на суров блок до финален производ.

Произведуваме плочи, сечени плочки на стандардни и нестандардни димензии со најразлични дебелини и со најразлични површински обработки како од нашиот бел мермер, Bianco Heraclea така и од стотици други типови на мермери, гранити, оникси, травертини, кварцити од најразлични страни на светот. 

Нашиот производствен капацитет вклучува 5 и 7 осни CNC машини, машини за сечење на блокови (multiwire), robowire, robojet, waterjet, линии за површински обработки, профилации и уште многу други. Стручниот кадар и технологијата во функција овозможуваат процесирање на скулптури со висина и од 4 метри во еден дел како технолошки најспецифични, релјефи со најразлична длабочина и сложеност, било какви столбови, масивни или шупливи, фонтани од било каков дизајн и големина, масивни кади, лавабоа, камени медаљони и интарзии, кујнски плотни, камини, мебел и безброј други камени решенија во ентериер и екстериер. 

Крин Производство ДОО има потенцијал и искуство да одговори и на најспецифични барања за производи од природен камен, со беспрекорен квалитет и прецизност.

Инспирирани од природата...